Имрӯз дар маркази Ҷамъияти Тоҷикон "НУР" дар Олмон бо ташаббуси масъулон ва раиси он Абдулқодир Шехов маҷлисе ба унвони "Маҳфили Нур" баргузор гардид. Дар кори он меҳмонон ва волидайн аз дуру наздик ширкат намуданд. Махсусан ҳузури тифлакон ва дӯстрӯякон, ки ин маҳфил маҳз ба хотири онҳо тадорук дида шуда буд ҳусну шукуҳу сафой дигаре мебахшид. Ин тифлакону дӯстрӯякон, ки ба омӯзиши алифбо машғул буданд муваффақ гаштанд, ки омӯзиш ва рӯхонии Қуръони Каримро шуруъ намоянд. Дар ин маҳфил 35 нафар аз ин булбулакони боғи дониш ва Каломуллоҳ бо ҳадоё ва ҷоизаҳо қадрдони шуданд, ки хеле хотири онҳоро шод ва онҳоро ташвиқ менамуд. Қобили зикр аст, ки гурӯҳи нав ва ҷадиди омӯзиши алифбо иборат аз 15 нафари дигар аз тифлакон ва дӯстрӯякон таъсис дода шуд, ки дар оянда дар назар аст онҳо ҳам мисли бародарон ва хоҳаракони худ муваффақ хоҳанд шуд, иншоаллоҳ. Лозим ба ёдоварист, ки дар канори ин, омӯзиши таҷвиди Қуръони Карим барой хоҳарон низ ба роҳ монда шудааст. Ҷамъияти Тоҷикон "НУР" барой ин тифлакон ва дӯстрӯякон орзуй муваффақият ва пешрафту шукуфоиро дар роҳи илму фарҳанг таманно дорад.
Ҷамъияти Тоҷикон "НУР" дар Олмон.
23.10.2021
Ҷамъияти Тоҷикон "НУР" дар Олмон.
23.10.2021
Последнее редактирование: